هع هع، أول واحد بعلق أنا!!!
والله يا مان بتكتب منيح وحرام تبطل تكتب، لذلك اعتمد الكتابة بشكل دائم!
أما بالنسبة للموضوع والأسلوب كتير حلو، ويا جماعة والله لو تعرفه تفاصيل القصة الحقيقية غير تتأكدو انه هاد الموضوع عالجرح وانه هاد الزلمة مبدع!!

العب يا وائل و هزي يا نوال !!
حاسس انو هيك كلام ما بطلع عشوائي الا يكون في وراه مصيبة, بس والله كلامك حلو يا أبوالميس, يعنس انا اليلي ما الي بلون الكتابة هادي و عجبني, فاستمر و ما تفكر توقف !!

صباخ الخير .... و الله و بدون مجاملة
كلامك رائع :)ضلك أكتب .. انا مبسوطة انو مدونتي عجبتك :)
حلو إنك تملك الجرأة و تبوح بحبك على الورق بس الأحلى إنك تبوح بحبك لصاحب الشأن قدامه ..... الله يوفقك و قلبها يستجيب :)

في مثل بالانجليزي بحكي :
Like what you do, if you can't do what you like ...
طبعا انا مش عارف شو دخلو بالموضوع بس خلص صار مكتوب فانا بحيك ع هيك موضوع عنجد هيو بطلع منك وزي ما حكى عبوود الموضوع عالجرح وقدرت تصيغو بطريقة جميلة ,استمر ...

شو هالكلام لكبير يا مجد ؟ :-)

في شغلة حكيتها كتير صح و كتير أنا بآمن فيها ...
"لأن الصدق ميزة الواثقين"
فعلا معك حق!

أحلى شي اني عم بشوف كتير مدونات جداد من فلسطين و هاد شي بسعدني كتير و بحس انكم بتخلونا نسمع صوت الوطن أعلى و أوضح ...

بس عليكم مسؤوليه يا شباب ..
الله يوفقك مجد و يوفقكم كلكم :)

الجميع:

عشان تعرفوا بس أنا أ.عر وبيطلع مني هع .

عبود:
تفاصيل القصة مش لازم يعرفوها العالم اه حبيب لازم توصلو لمرحلة انو تصير الفولة تنبل بتمكو زز بعدين تنساش أنا بعرف عنك شغلات كمان:>

شريف :

اللي بدي اقولوا إنو انا ما كنت بحكى عن تجربتك الشخصية :>
بس بتلعب هع

رزان:
والله انتى ما بتعرفيني أنا ببوح ما بتفرق معاي , بس الدنيا بتلعب دورها يخرب بيت الحظ لما يلعب ضدك بعدين التفاصيل بحكيلك ياها على انفراد:>

لؤي:

ولا انا عارف ايش دخل مثلك بهالكلام بس حبيتو:>
بعدين انت على اتطلاع بالامور


هالة :
يعني انا لسه مبتدأ بالشغلانة هاي فمنيح انو يعجبك كلامى على اعتبار انك مخضرمة بهالمجال , بعدين الفلسطينية يعجبوكى بس الزنب مش زنبنا :>دايما نحن الشباب لما بصير معنا شي مش منيح بنقول الحق على الاحتلال فبحب اقلك الحق على الاحتلال



الجميع :
شكرا للتعليق

...جذبني العنوان بطريقة غريبة وبالذات كلمة " انحني" ....فربما كان سر استقطابي لقراءة هذا الموضوع هو هذه الكلمة ...فلا تنحني الشمس الا لتبلغ قلب السماء ولا تنحني السنبلة اذا لم تكن مثقلة ولكنها ساعة الانحناء تواري بذور البقاء فتخفي برحم الثرى ثورة مقبلة..((هذه قصيدة لأحمد مطر))استحضرها ذهني وانا اقرا العنوان لاني احسست بان هذه الكلمة في عنوان موضوعك تحمل معناها وضدها اي انني احسست بكبريائك رغم ((انحني))...مع اختلاف ما تحمله قصيدة مطر من معنى لانحناء الباسل عما تحمله كلماتك ...اقصد ان المشترك بينك وبين مطر هو انحناء يملؤه الكبرياء والعزة ..

المهم اعجبني انحنائك وذكرتني فعلا بقصيدة مطر فيقول ((ذل انحنائي هو الكبرياء))
اعجبني باني احسست انك ممن يعتبرون الانحناء لاشياء او لاناس معينة هو كبرياء ..
الموضوع رائع مضمونا احساسا واسلوبا
لم اكن اعرف بانك تجيد الكتابة بهذه الطريقة المعبرة والرائعة لكنها كانت مفاجاه جميلة جدا جدا..
استمر........ولا تعرف شئ غير الاستمرار
اهنئك على اول درجات سلم مجد الادب يا مجد...واقدر لك اول كتاباتك كل التقدير.
اعجبني جدا((واطلب الاذن من عزتي لانحني))..
اتمنى ان يستجيب قلبها قريبا...يا رب
كما ارجو ان توجه قلمك في كل ما يخدم وطنك فلسطين ودينك ويرتقي بالاحساس الانساني بالذات في عصرنا عصر الالة والمادة التي ااسف لان اقول ضاع فيها اي معنى لاحساس او انسانية!!

وطنا محتاجنا بقلمنا الحر وببندقيتنا الشريفة....
المهم ان تكون استفدت من التجربة هذا هو الاهم.
ارجو ان اقرا لك المزيد وكل مرة اتمنى ان الحظ تطور وارتقاء في كتاباتك..
القراءة ثم القراءة ثم القراءة السبيل لذلك..
اتمنى من الله ان لا تنحني لغيره فالجباه الحرة لا تنحني الا للاله لكي تبقى حرة...ولا شئ غير حررررررررررة.

وفقك الله .....دوما يا مجد

شكر لك سوليتير... وبعد,

بصراحة كلامك جميل واعجبني وبصراحة اكتر حفزني , وكمان كنت بفضل انو تكون كتاباتي بتحكى عن الوطن وحيصير انشالله بس مع احترامي للجميع بس من كتر محكينا كلام للوطن وعن الوطن لوثناه وحابب لما اكتب للوطن أنصفه بس بنفس الوقت مااجامله والوطن اهم سماته شعبه من هالمنطلق بتكلم ...
عموما مش حابب اطول بالكلام قريبا حأوضح وجهة نظري بموضوع
كمان مرة شكرا عالمرور

أه يا مجد انا عم بستنى :) وين إلي حتحكي ع إنفراد ؟؟؟؟ (بمزح)

أه يا مجد انا عم بستنى :) وين إلي حتحكي ع إنفراد ؟؟؟؟ (بمزح)

له له له شو هالحكى
الزلمة بنربط من لسانه وانا عند كلامي, بس انتى ما بادرتي وسألتي على اشي لا على انفراد ولا بغيره مع انه بتقدري توصيلي بكلتا الحالتين:>

بس نورتي البال مجووود

gweyaaaaaaa ya majood
;) ;)

حبيبي يا جوج,
برضو نعجبك احنا مالنا ياكبير
وعالعموم شكرا للمرور:>

مجد وين غاطس ؟!
على فكره أنا اسمي حلا مو هاله :)

hi majoood ,,, Happy EID :)& New year

حلا اسمك بجنن
أنا ولا غاطس ولا شي هياتني ياعالم

وكل عام وانتو بالف خير ينعاد عليكو بالخير والسعادة

زبطولنا قعدة بالعيد :>
بوطن واحد وحبذا لو كان قلبي
ينعاد عليكو