اعتقد أنه السبب في ذلك أنه قطاع غزة يعتبر مجتمع مغلق نظرا لأنه يقوم على العشائرية، لكن في نفس الوقت لو جيت ع مصر هون .. بتلاقي العكس تماما .. أنا بصراحة في شغلات كتير ما بأيدها وما كنت بأيدها لما كنت موجود .. وخاصة انه التحية بالقبلات بين الأصدقاء من الجنسين، وكوني من غزة في الأول كنت بعاني من هالموضوع لأنه بتعرفو كيف الوضع بيكون بس هلأ صرت عادي .. مع أني غير متفق مع الموضوع هدا .
لكن بظن انه الواحد منا لازم يحترم نوعا ما عاداته وتقاليده .. وكونه انسان شرقي من مجتمع عربي .. وقضية الشكل واللون هاي شغلة خاصة بالانسان نفسه .. وهاي كمان لمستها كتير في كل زيارة الي القطاع بعد السفر .
وأعتقد أنه الواحد فينا لازم ما ينجر ورا هاي الأفعال الا بعد ما يكون مقتنع فيها .. .
والله يعطيكم العافية

Liberty Spirit
palestinians 4 ever & after ever
plo_pal@hotmail.com

palmajoood
السلام عليك ورحمة من الله وبركات.
عشت بشعار (من حقنا جميعا أن نناقش)وطرحت كل الأشياء للبحث،وأجدني اليوم وقد طرحت قضية العادات والتقاليد،بما تقتضيه من محلية وجهوية بل وعائلية،إنما أنت لم تعط أمثلة لما لا توافق عليه...
وشيء أهم عندي أنك كتبت (ربما كعادة الكثير من إخواننا في الشرق العربي)بلهجة موغلة في المحلية عوض الكتابة بلغة عربية فصحى يستوعبها أكبر الناس . وسنواصل الحوار.

بصراحة اخ رفقي انا مش حاطط شي ملغوم يمكن انا شوي بحكى بالعامية بس يمكن بحس انو انا لانى مش مختص باللغة ولانى حابب يكون النقاش على مستوى شبابي عادي بكتب باللغة العامية وعفكرة كان حتكون لفته حلوة منك لو كتبت باللغة المغربية العامية لانه نحن العرب صار عنا كتير مساحات وفجوات اساسا اصلها اختلاف اللهجات العربية وهاي انشالله موضوع تانى راح اطرحه قريبا
أما بالنسبة للشغلات اللي انا بتقبلها او ما بتقبلها فازا انا عملت موضوع وحطيت فيه شو اللي انا شايفه صح وشو اللي شايفه غلط بكون مش عامل موضوع نقاش عامل تقرير ومش صحفى كمان لانه بطرح فيه وحهة نظري الشخصية ومع هيك راح اجاوبك جواب عمومى وشامل يعني مش مخصص عشان انا مش حابب افرض رايي للنقاش حابب نتوصل لمنضومة من النقاط مع بعض بحصيلة فكرية من الجميع

انا شخصيا بنادي بالحرية الفردية بس بشروط هلا الشروط لازم تخضع لمبدأ وعقيدة محددتين فممكن اكون بتقبل انو تنين بحبو بعض يمشو سوا ويزوروا بعض ويطشوا سوا بس مابرر بتاتا اي تصرف مش اخلاقي قدام العالم والناس لا بمجتمعنا ولا بالمجتمعات المختلفة

وعموما نورنا بفكرك الشخصى وشو رايك بهالكلام

وشكرا على مرورك

مسا...
شو هي العادات و التقاليد أولا ؟
هي أشياء من كتر ما صارت مكررة و الها قبول عام أصبحت متل القوانين..زي العرف تمام!!
بس المشكلة انو اللي بكررو هادي العادات و التقاليد نسيو انو في اشي بالدنيا هادي اسمو " الزمن " و انو مع تغير الزمن كل اشي بتغير معاه و لازم تكون العادات و التقاليد منها,, عن نفسي بلاقي ان العادات و التقاليد عبارة عن قيود اضافية على المجتمع و الصراحة او الاناث هما الضحية الأكبر...
بس في نقطة مهمة برضو...العادات و التقاليد في منها أصلها من الدين الاسلامي..و هون في خط أحمر كبير...عشان اذا كنا بنقدر نغير العادات و التقاليد...ما بنقدر بأي شكل من الأشكال نغير الدين !!

يعطيك العافية

أول شي مرحبا ويعطيك العافية يا ابو الميس على هالموضوع، لأنه بالفعل احنا الشباب بنعاني منه وصرنا بصراحة تايهين... بس انا بتفق مع شريف بنقطة انه لازم نحط بعين الاعتبار قضية الزمن، وانه من الوقت اللي وضعت فيه العادات والتقاليد لليوم في كتير فرق، بس انا وجهة نظري انه اذا طبقنا كل العادات والتقاليد حنصير متخلفين ومنعزلين عن العالم، وفي نفس الوقت اذا تركناها رح نكون انسلخنا عن أصلنا وصرنا جزء من الثقافة الغربية وبهيك بنفقد هويتنا، عشان هيك أحسن حل الوسطية في كل شيئ، مع احترام الحرية الشخصية اللي بحدود!!!
ويعطيك العافية وابقى دايما نورنا بهيك مواضيع!

أول شي مرحبا ويعطيك العافية يا ابو الميس على هالموضوع، لأنه بالفعل احنا الشباب بنعاني منه وصرنا بصراحة تايهين... بس انا بتفق مع شريف بنقطة انه لازم نحط بعين الاعتبار قضية الزمن، وانه من الوقت اللي وضعت فيه العادات والتقاليد لليوم في كتير فرق، بس انا وجهة نظري انه اذا طبقنا كل العادات والتقاليد حنصير متخلفين ومنعزلين عن العالم، وفي نفس الوقت اذا تركناها رح نكون انسلخنا عن أصلنا وصرنا جزء من الثقافة الغربية وبهيك بنفقد هويتنا، عشان هيك أحسن حل الوسطية في كل شيئ، مع احترام الحرية الشخصية اللي بحدود!!!
ويعطيك العافية وابقى دايما نورنا بهيك مواضيع!